هاي يا اجمل بنات في الدنيا
طبعا كلنا بنحب نغير قصات شعرنا بين كل فترة والتانية وفي بنات كتير اوي بتحب الشعر المدرج
النهاردة هقولكم علي طريقة سهلة اوي وبيها نقدر ندرج شعرنا من غير ما نحتاج لكوافير متخصص والطريقة دى انا جربتها بنفسي وجابت نتيجة هايلة
يلا كلنا نتبع الخطوات دى ..
1- سرحي شعرك كلة كويس جدا
2- اقلبي شعرك كلة علي قدام
3- هتسرحي شعرك كلة تاني وهو علي قدام
4- تبدأي بقص الشعر ( مع مراعاه الطول المناسب اللي انتي عايزاة ) يعني لو عايزة شعرك مدرج طويل يبقي هتقصي حتة صغيرة ولو عايزاة مدرج قصير يبئي هتقصي حتة كبيرة .
ملحوظة ..
لازم المقص يكون حامي يا بنات لانة لو كان مش حامي اوي مش هيقص الشعر كلة مرة واحدة وايدك هتفضل تطلع وتنزل والشعر مش هيكون متساوي .
اتمني الطريقة تجربوها وتعجبكم
يلا سلام بئي