نـُص جنيه
شحَّات قابلني وقالي إديني حسَنه يا بيــــــــه
طلـَّعت من جيبي عُمْله ورَق بنـُص جنيـــه
طوَّحْها وبْعِزم إيدُه وقال دي هتجيب إيـه !
وطـِّيت وخدت الفلوس ودفستها في الجيب
ــــــــــــــــ
هفـِّيتني نِفـْسي علــــــى طعْميَّه تِتـّاكِـــــل
طلـَّعت نـُص الجنيه قـُلت اشتري فلافـــِل
صاحب المحل اندهش فكـَّرني مش عاقل
قالي فلوسك لا هتساوي ولا هتجيـــــــب
ــــــــــــــــــ
مشيت وانا بحسرتي وركبت ميكروبــاص
في وسط حبِّة قـُفف ومعاها كام بــــــلا َّص
زعَّق صبي السواق قال الفلوس يا نـــــاس
مع صوت كلاكس انسعر ويّاه يقول بيب بيب
ـــــــــــــــــ
طلـّعتلـُه المحترم نـُص الجنيه بحالـُـــــــه
حسّيت بإنه انسرع فجأه انقلب حالـُــــــه
نزِّلني وسط الطريق أصل الجنان جالـُـه
قالـِّي بنـُص الجنيه مالك معانا نصيـــب
ــــــــــــــــــ
روّحت بيتنا وانا م اللي حصَل قرفـــان
جه إبني قالي يا بابا إنت ليه زعــــلان
إديته نص الجنيه علشان يجيب لـُه لبان
بوِّز وسابني كإني اديتـُه بالمركـــــوب
ـــــــــــــــــ
من كـُتـْر عِزْم الزهَق طوَّحته م البلكون
فجأه لقيت ع الباب تخبيط بكل جنــون
لما فتحت اندفع عيِّل غميق اللـــــــــــون
وف إيدُه نص الجنيه قلت امشي يا مضروب
حكاية النص جنية
الرئيسية 
السبت نوفمبر 17, 2018 12:47 pm
كيف تعرفت على علينا 
موضوع: حكاية النص جنية 
