طلقني شكراً...أكثر من حالة طلاق
في الساعة
زي خدمات شركات المحمول.. أشحنلي شكراً..كلمني شكراً...وآخر
تقليعة ولكن مش من شركات المحمول..مننا أحنا..اسمها طلقني شكراً
عارفين كام حالة
طلاق في مصر...آخر إحصائية أصدرتها جهاز التعبئة العامة في مصر ان عدد حالات الطلاق
في سنة 2009
كل خمس دقائق حالة طلاق وحوالي 90 ألف حالة طلاق في
السنة...يعني 90 ألف أسرة بينهاروا...ومصر دلوقتي متصدرة الدول العربية في أكثر بلد
فيها طلاق
الطلاق بيتم في السنة الأولى من الزواج..أو في أول وثاني وثالث
سنة..واللي بيطلقوا بعد سنين نسبتهم ضعيفة..زي اللي بقالهم 20 و 25
سنة
زمان كان الجواز سهل جداً والطلاق صعب جداً دلوقتي العكس..الطلاق
سهل جداً والجواز هو اللي صعب جداً وبالرغم من صعوبته وبعد ما يطلع عين الشاب وأهله
وعين البنت وأهلها بكلمه منه ينهار البيت ع اللي فيه والاسباب أتفه من
التفاهة
بيقولوا السبب في ده غياب الوازع الديني..طيب وأحنا نحلل
الموضوع ده أزاي؟؟
غياب الوازع الديني..وغياب الثقافة الجنسية وثقافة الزواج
والحياة الإجتماعية..غياب الرجال اللي بيتحملوا مسئولية..وكمان البنات اللي مش
بيبقوا عنهم ثقافة ولا خبرة ولا أهلهم بيساعدوهم في تخطي عقبات سنة أولى جواز وما
بعدها
اخترت صح؟؟ لأ...اخترت اللي بحبها...
اخترت صاحبه الدين؟؟ اخترت اللي
بحبها...
اخترت البنت الجميلة؟؟ اخترت البنت الجميلة اللي بحبها...
اخترتي صح
؟ اخترت اللي جاهز ومعاه فلوس
اخترتي صح؟ اخترت اللي بحبه
اخترتي صاحب الدين؟
اختارت اللي بحبه ومعجبه بشخصيته
والنتيجة ... كلهم بيقولوا كده في الأول "بحبه
ومقدرش أعيش من غيره والحياه في بعده مستحيلة" والنتيجة...والكلام الحلو
بيتحول........البراءة والحنان واللي ياما أتقال زمال..كل ده بالوقت بان..كل ما
الأيام تطول..كما قال الشاعر
في إيه؟؟!!
لحد أمتى؟؟؟
آن
الأوان نختار صح عشان الحياة تستمر...نختار صح عشان نعيش في سعادة..نختار
اصحاب
الدين..والوضع الاجتماعي اللي يناسبنا مش الوضع الاجتماعي اللي
يتعبنا... ما ياما ناس معاها فلوس لكن في قمة التعاسة وياما ناس مش معاها فلوس..في
قمة السعادة
والفرق ان ناس توكلت على الله ورضيت باللي ربنا قاسمه ليهم..فكانت
النتيجة تيسير في حياتهم وسعادة ورضا وقبول...وتوفيق من ربنا في ايجاد شريك
الحياة..ومش بنقول الحياة وردية ومافيهاش ابتلاءات
وفي ناس توكلت على
عقلها وفلوسها وخبرتها في الحياة وبس...وقالت أنا اخترت صح و و و فكانت النتيجة
انها انهارت..وتعبت وعاشت في تعاسة..عشان مافيش وازع ديني ولا خبرة ولا ثقافة
في
إيه؟!
ا