نمرة تليفون الرئيس ياااااااااااااااااااااااريس
عاوز أنوبوة بوتجاز بسعرها الرسمى اللى الحكومة عاملها
عاوز اقوم الصبح قبل ماروح الشغل افطر زى ماالصحة بتقول
عاوز اروح شغلى بميكروباص كويس سواقه محترم مابطلبش انى اركب طيارة او تاكسى او عربية خاصة
عاوز اروح شغلى ما لقيش الشغل قافل ويقولوا بعناكم او طلعناكم معاش مبكر
عاوز اخر الشهر الاقى مرتبى مش ناقص علشان المدير مش عاجبه شكلى
عاوز اروح البيت ادى مصروف للعيال يملا عينيهم
عاوز اخر الشهر ادفع الايجار زى زمان مايكونش ايجار مولع
عاوز بعد العقد بتاع شقتى ما يخلص يتجدد تلقاءى ويتلغى قانون العقود المؤقته ويتبدل ب 59 سنه اللى باقين لى فى الدنيا
عاوز عيالى يعرفوا يقروا ويكتوبوا زى زمان من غير دروس خصوصوية
عاوز بنتى اللى اتخرجت من الجامعة تلاقى شغل محترم
طلباتى كتير
وانا عارف ان الحمل تقيل
والله يكون فى عونك وفى عون الحكومة الموقرة