الجمعة أبريل 06, 2012 11:24 pm | المشاركة رقم: |
المعلومات | الكاتب: | | اللقب: | عضو ماسي | الرتبه: | | الصورة الرمزية | |
الإتصالات | الحالة: | | وسائل الإتصال: | |
| موضوع: للمبتدئين فى تربيه الكلاب للمبتدئين فى تربيه الكلاب [ندعوك للتسجيل في المنتدى أو التعريف بنفسك لمعاينة هذه الصورة]
اولا احب ارحب بكل الاعضاء والمشرفين والزوار كمان الى منورنا
الموضوع دا هيبقا للناس الى عاوزه تربي كلاب ومش عارفه تظبط وناس عندهم كلاب ومش عارفين يتعملوا معاهم
لان فى ناس كتير مبتدئين ومش عارفه تربي كلاب ازاي وبتسأل عن حاجات دي فا إن شاء الله الموضوع هيكون مفيد للناس كلها
ندخل بقا فى الموضوع عشان مش بحب الكلام الكتير [ندعوك للتسجيل في المنتدى أو التعريف بنفسك لمعاينة هذه الصورة]
الوقتي يا سيدي يجي واحد ويقولي انا عاوز اشتري كلب مش عارف اشتري ايه بس عاوز حاجه شرسه وشكلها حلو كدا وطيبه وزى العسل كدا بص يا سيدي انا عاوزك تحدد الهدف انت عاوز كلب زينه ولا حراسه ولا الاتنين فى بعض لو الاتنين فى بعض يبقا الجيرمن [ندعوك للتسجيل في المنتدى أو التعريف بنفسك لمعاينة هذه الصورة] لو عاوز كلب لحراسه مكان كبير يبقا اشتري الدوبر مان واتكل علي الله او الجيرمن شبيرد والدوبر افضل طبعا لسرعته ورشاقته
وانا واحد من الناس عليك وعلي الجيرمن شبيرد ليه الكلب دا شغال معاك على اى وضع حسب ماانت عاوزه عاوزه شرس هيبقا شرس عاوزه طيب هتخليه طيب
طبعا وانت بتشتري الكلب احسن لك تاخد واحد بيفهم فيهم ومتعمليش فيها ناصح وتروح تشتري كلب بلدي ب 1000 جنيه وجاي فرحان فى الكلب وتيجي تعرض له صوره ولا حاجه تلاقي الناس بتقؤلك بلدي وانت قاعد هيغمي عليك من الفرحه طبعاوابعد عن المحلات ويفضل انك تشتري من ناس بتربي احسن وتشوف ابو الكلب وام الكلب وتتعرف على العائله الكريمه هههه عشان تتاكد ان الجرو هيبقا حاجه ____________________________ [ندعوك للتسجيل في المنتدى أو التعريف بنفسك لمعاينة هذه الصورة] طيب تمام بالنسبه للتطعيم اه ياريت تطعم الكلب عشان تحصنه من الامراض ودا مفيد ليك بردك عشان لو الكلب عضك مينقلشي ليك امراض سؤال لولبي هو الكلب بيطعم فين فى السوبر ماركت هههههههههههه فى المستشفي البطري يا خفيف واسال بقا وحدد مكانك وشوف اقرب مستشفي ليك فين
ماااااشي يا سيدي اشتريت خلاص جيرمن شبيرد واخترت اللون الى انا عاوزه وهروح اطعمه
اشتريت الكلب والكلب مش بياكل وقاعد يهوهو وقارف اهلي والجيران هتشتكي وهتسجن باين هههههههه
دا طبيعي يا باشا الكلب لما بيجي سواء كان كبير او جرو هينبح وهيصدعك هتقولي اشمعنا اقؤلك عشان مستغرب المكان ومش واخد على المكان شويه كدا وهيهدي وهياكل وهيبقا مزاجه عال ودا طبعا بعد اسبوع بالكتير يبدا يسكت على النباح
طيب وماله مش مشكله اسبوع صداع مااشي
تيجي بقا لي الاكل وفى ناس كتير مش بتعرف تأكل كلبها [ندعوك للتسجيل في المنتدى أو التعريف بنفسك لمعاينة هذه الصورة]
الكلاب يا معلم بتاكل اى حاجه وياريت ياباشا متعودهاش على اكل معين عشان متخربشي بيتك مش تاكل كلبك كل يوم لحمه وتيجي في يوم تحطله رز ميكلشي دا الطبيعي خلي بالك من النقطه دي ايوه النقطه يعني مثلا خلي يوم هياكل ويوم خضار وحطله بواقي الاكل بتاعت البيت وصقدقني هيبقاصحته حديد من الاخر خود الموضوع دا بتاع الاستاذ محمد بلتك بيتكلم فيه عن الوجبات اشهى الوجبات للكلاب ماااشي يا سيدي خلاص عرفت اكيف الكلب على الاكل الى انا عاوزه قشطه تمام
هياكل كام مره فى اليوم وهو جرو من سن شهرين ل 6 اديله 4 وجبات فى اليوم لان دي مرحله نموه وعاوز يتغدي كويس
مااشي طب بعد ال6 شهور ولا 7 شهور هقؤلك يبقا اديله 3 ولما يتم السنه وجبه اتنين فى اليوم ويفضل طبعا 2 واحده الصبح وواحده بليل وبعد سنه ونص خليها وجبه واحده وانت ورحتك واهم شىء الميه تغيره مايه كل 4 ساعات ولا حاجه كدا حكايه الاكل تمام خلاص قشطه
نخش بقا على التدريب [ندعوك للتسجيل في المنتدى أو التعريف بنفسك لمعاينة هذه الصورة] كترت الاسئله اليومين دول الى عاوز يشرس كلبه وهو لسه عنده شهرين 3 ومستعجل عليه اقؤلك ياباشا لسه بدري اصبر شويه ان الله مع الصابرين سيبك انت من كلام الناس الى فى الشارع دا وخليك معايا بص ابدا عمله طاعه من سن ال3 او 4 شهور ودا موضوع لتعليم الاوامر يا سيدي ولا تزعل نفسك مش حرمك من حاجه ههههه اهل واسهل 6 تمارين للعضو كريم 77 اهم وأسهل (6)تمارين للكلب موضوع جامد
وطبعا خليك فاكر ان الطاعه
قبل الشراسه قولي ليه اقؤلك عشان لو شرست الكلب من غير ما تعلمه اوامر الطاعه مش هتعرف تسيطر عليه وسحبك وراه يا عيني وهيجريك وراه لحد ما يتقطع نفسك
المعلومه وصلت كدا بالنسبه لتدريب الطاعه
هتقولي الكلب عنده شهرين وقاعد بيعض فيه وانت فرحان بالعض طبعا كلب شرس لاء يا كوتش الكلب بيسنن واللثه بتحرقه عاوز يعض فى اى حاجه تقولي يا راجل طيب اعمل ايه اقؤلك ارميه كوره اسفنج او اديله حتت قماشه يعض فيها طيب والله كويس
طبعا زى ماقلت فوق تبدا تشرس الكلب من سن 6 او 7 الكلب بيبقا كبر وحجمه بقا كويس وتقدر تدربه وقسم التدريب هنا قايم بالواجب خش انت بس وبطل كسل _____________________________________ [ندعوك للتسجيل في المنتدى أو التعريف بنفسك لمعاينة هذه الصورة] للمكان احط الكلب فين بص يا عم الكلب لازم يكون ليه بيت او مكان لو مش عندك مكان يبقا انا الى انا قلت ليك ومتجبشي كلاب لييييييييييييه يعنى هتجيب الكلب تركنه ادام البيت مثلا ولا هتعينه عند واحد صحبك بص يا معلم قبل ما تشتري كلب طبعالازم يكون عندك مكان ليه سواء فى غرفه علي السطح او بيت خشب فى جنينه عشان فى الصيف مجلوش ضربه شمس تموته وفى الشتا يتلج يا عيني وانت ولا على بالك
طيب تمام خلاص نعمل بيت ...........ٌقشطه عليك
طيب بالنسبه اجيب دكر ولا انثي مين فيهم احسن والله برحتك بس يفضل الدكر عشان حجمه بيبقا كبير شويه وحسب ما انت عاوز لو عاوز حاجه عشان تتاجر وكدا فجيب نتايه
طيب لما اجيب نتايه اجوزها امتا ؟ بعد الحيض التاني لانها فى الحيض الاول بتكون لسه صغيره والحيض الاول دا بيكون فى سن 7 شهور وفى كلاب بتتاخر لسن 9 شهور
بس انا بنصح للدكر لو للحراسه [ندعوك للتسجيل في المنتدى أو التعريف بنفسك لمعاينة هذه الصورة]
مشاكل وناس بستعجل وبتبوز الكلب بتاعها زى مثلا اذن الكلب يبقا الكلب لسه عنده 3 شهور والراجل بيشكي وزعلان يقوم رايح مستعجل ورابط ودانها ودا غلط على فكره طيب ازاي اتجنب الحاجه دي
اصبر لحد ما الكلب يتم 6 شهور لو ودان الكلب لسه نايمه اربطها يا سيدي
ساعات بيكون تدالي الاظن دا نقص كالسيوم وعذاء وضعف ودا العيب منك لانك مش بتاكل الكلب
وساعات العيب بيبقا فى الغضرووف الى فى ودن الكلب
وكدا الموضوع خلص ولو فى اى استفسار عن حاجه يتفضل يقول واسف علي اللغه العاميه بس الهدف ان اوصل المعلومه مش اكتر
وطبعا الموقع دا ليه الفضل عليا فى حاجات كتير وناس هنا كتير فى معرفه معظم التربيه عن الكلاب وتصحيحها منهم ويارب اكون افدتكم
|
| |