اعذرونى جميعا بس الموضوع مهم جدا
لاحظت فى معظم الردود على المواضيع ردود عشوائية متكررة ولا تصح اصلا للموضوع
يعنى مثلا واحد كاتب نكتة وتلاقى عو من الاعضاء يرد يقولة موضوع فى قمة الخيال
طرحت فأبدعت
جزاك الله الف خير
طيب والنبى دا اسمة كلام
او واحد مثلا عامل موضوع وهو عبارة عن استفسار وعاوز رد للسؤال او الاستفسار بتاعة
وتلاقى عضو يرد يقولة
دائما متميز فى الانتقاء سلمت يالغالى على روعة طرحك
فى انتظار المذيد
طيب دا ينفع
وفى امثلة تانية كتير اكيد حضراتكم عارفينها
طيب ودا ان دل بيدل على اية
انك اصلا لم تقرأ الموضوع ونازل copy و past وخلاص
فرجاء ما احد يزعل منى وياريت تكون الردود فى صميم الموضوع لنرتقى بمنتدانا
وختى لا يمل الزائر
لانى انا والله بشوف ردود فى منتديات بتكون افيد من الموضوع نفسة او استكمال للموضوع
واخيرا تحياااتى للجميع
هابى

حاجة بقت ملل خالص

بصفتى المدير العام لهذا المنتدى فسأعالج هذه المشكلة قدر المستطاع بإذن الله
شكرًا على الطرح

وعليكم السلام
شكرا اخي الكريم على الموضوع القيم الخاص للمناقشة ان وجد ادن ساغية
لكين اكتر المنتديات والمواقع العربية تسير على نفس النهج لا تغير في الردود حتى في المنتديات الكبيرة
موجودة هده الضاهرة تجد واحد بحط موضوع اسلامي مفيد وياتي اخر يرد عليه بشكرا لا يستبع الموضوع
ولا يقوم بقراته ليفهم المضموع شغلو الشاغل يرد وبس لا يهمه ان كان الموضوع لنقاش او حتى طلب شرح
لا تستغرب اخي الكريم.
نتمنى ان يستفيد الجميع من هده انصائح ويبدلو كل جهودهم لتغير انهج الدي يسرون عليه
كل الود الاحترام والتقدير للجميع

تقبل مروري المتواضيع
تحياتي

ارجوا ان تتقبلوا رأيى بصدر رحب ولكنه الواقع من وجهه نظرى

ان معظمنا اصحاب منتديات وجميعنا اصبح يتعامل مع كم هائل من المنتديات

واصبح الموضوع عبْ وتأدية واجب هذا كل الموضوع

وهذا ما جعلنى ابعد عن المنتديات فتره كبيره جدا حتى منتدايا

لانى وجدت الهدف الثقافى بعد تماما واصبح الموضوع تأديه مهام

ولكنى شخصيا وجدت الخلاص من هذا فى تقليص منتديات اصدقائى لابعد حد

ورجعت استمتع مره اخرى بالمواضيع والردود عليها

اشكركم جميعا على التفاعل وتفهم القصد من وراء الموضوع والذى اعتبرة فى غاية الاهمية وانا معاكم ان دة اصبح عادة وخلاص لكن فينا نغير هذة العادة واللى تعتبر سيئة
وعلى فكرة فى ردود بتكون فى محلها وبيكون دا الرد المناسب بس لما حضرتك تلاقى واحد او واحدة عاملة موضوع فى قسم الترحيب وبيقولك انا عضو جديد وابى ترحيب ما حصلش
وتلاقى الرد علية موضوع فى قمة الخيال
طرحت فابدعت
ننتظر منك المذيد
ههههههههه
مع انك لو نظرت بس للموضوع
هاتقولة اقل شىء اهلا وسهلا بس ياعم
وانشالله تاخدها بردو كوبى وباست
اما كلام الاحت الفاضلة ocean heart واللى اعجبنى كثيرا
لانها اتكلمت بصراحة وقالت بكل وضوح ان كلنا او معظمنا اصحاب منتديات
ودة يخلينى اسألكم سؤال احنا لية عملنا المنتديات ؟
هل عشان عدد الردود يكون كتير ؟
او الموضوعات كتير !!
ولا اعضاء كتير ؟؟
انا بالنسبة لى عملت المنتدى لافادة الجميع واولهم الزائر ليجد مايبحث عنة
واكتر حاجة خلتنى اعمل المنتدى دة الدعوة للاسلام واهى تكون صدقة جارية
وطبعا مع الاقسام الاخرى والتى لا غنا عنها فى المنتدى وطبعا انتو عارفينها
وبعدين احنا عاوزين الزوار مايضحكوش علينا لما يدخلو منتدياتنا ويلاقونا كاتبين ردود عشوائية ومتكررة
لية مايكونش الرد تكملة للموضوع نفسة
او ذيادة علية
او غيرة وياريت ماتزعلوووش منى
وانا واحد من الناس لما لقيت الموضوع بقا كدة عملتلى صفحة على الفيس اسمها بعد اذن الاخت جى جى
الاسلام دينى وسر سعادتى

وتركت المنتدى ويعتبر مابقتش ادخلة خالص
ارجو ان تكون الرسالة وصلت للجميع

حقيقى موضوعك مهم
متفتكرش انى كتبت الجمله ديه
يعنى لم اقراء الموضوع
وبرد كده وخلاص
لا فعلا الموضوع مهم وياريت الجميع ينتبه فى ردوده
حتى ولو كلمتين صغيرين لكن يكونوا بافاده
شكرا لك

حضرتك وصلت لنقطه اخرى اكثر خطوره وهى الفيس بوك

المعظم اصبح يريد المعلومه السريعهالخفيفه على الفيس

يعنى بمنتهى الصراحه تيجى تدعى اصحابك المقربين او اخواتك للمنتدى يقولك لا

انا ماليش فى جو المنتديات والمواضيع انا بحب الفيس حتى اولادى والله

لكن انا وجهه نظرى ان المنتدى مرجع للمواضيع غير الفيس

حتى اعضائى من خارج نطاق المنتديات بيحبوا مجموعه المنتدى على الفيس ويما فيها

ومش بيدخلوا المنتدى الا نادرا

ولكن الهدف انا مشتركه مع حضرتك فيه منذ نشأه المنتدى انه يكون صدقه جاريه

وانه يكون بعيد عن اى شبهه

وختنا العزيزه جى جى جزاها الله كل خير دعمت ده بشكل رائع

بموضوع الاهتمام بالصفوف الدراسيه التى تشكل حياه الجميع

وفعلا مجهود رائع وهادف جدااااااااااا

كلنا كده قلنا الاسباب لكن اين الحلول

ربما نصل لحل

وانتى كمان يا قمر والله وحشانى جدا
لكن واضح ان كل ما الاولاد بيكبروا مسؤليتهم بتكبر
وتلاقى نفسك بتتاخدى من كل حاجه تخصك وتنخرطى فى عالمهم
لكن كلكم وحشتونى والله

ان شاء الله نجرب ولا نيأس

ربنا يخليهملك يا حبيبتى وتفرحي بيهم ان شاء الله

شكرا لذوقك يا حبيبة قلبى

منورين ياجماعة وانا سعيد جدا بالتفاعل والايجابية
وفعلا نبدأ بنفسنا
وبكدة نجبر الجميع انهم يعملوا زينا
تحيااااتى للجميع

والله عندك حق الموضوع والتحاور رجعنا لشغلنا الاول فى المنتديات

وطبعا كل الشكر لك لانك صاحب الموضوع

الشكر على اية بس دا انا اللى اشكركم
واتمنى كل المواضيع تبقا كدة ونرد فيها على بعض ونتناقش
ودا يخلى الواحد يدخل المنتدى كتير
عشان يشوف اخوانة قالوا اية واية افكارهم
ويكون فى تواصل
اشكرك ocean لتواجدك وافكارك المميزة
وكمان على اعجابك بصفحتى

الشكر لك اخى وهى فعلا صفحه جميله وهادفه

اخى امير الجبال اشكرك على ملاحظتك وكلامك الجميل ورؤيتك حول هذا الموضوع بل حول هذة المشكلة
التى يشكو منها الجميع ولكن هم يتبعون نظرية الصمت
على فكرة انا جربت اعمل زيهم وتبادل تسجيل وتبادل ردود وغيرة
وفعلا اشتركت فى منتديات كتير ولاحظت هذة الظاهرة
بس طبعا زى ما حضرتك قولت انا ماقدرش اكلم حد واقولة ردودك متكررة او عشوائية
لانى انا بدأت اعمل زيهم
بس حسيت الموضوع مش على مزاجى فبدأت ابعد واحدة واحدة عن المنتديات المشارك فيها
وبالتالى هما بطلوا يدخلوا عندى على على رأيك الموضوع كلة مجاملات وليس هدف مقصود او منشود وهو نشر المعلومات والدعوات وغيرة
كل الحكاية ماهى الا عملية (حشو ) فى المنتديات
وانا اسف على هذا التعبير او التشبية
لكن هى دى الحقيقة
فالبتالى تركت المنتديات ومابقا منهم غير
هذا المنتدى العظيم (دوجينو ) ومنتدى (احلى دليل ) ومنتدى (ليلتى ) لانى حسيت ان لهم هدف فى توصيل المعلومات ونشر الفكر والاراء والتعبير مع مللاحظتى ايضا فى بعض التجاوزات وهى الردود العشوائية والمتكررة
ولكن ليس بالكم الهائل فى باق المنتديات
والحمدلله انا حاسس ان الموضوع بدأ يجيب نتيجة كويسة
ودائما الى الامام والله الموفق
تحياتى

الموضوع بيبقا ظريف لما بيبقا اصحاب المنتديات اصحاب فعلا لا ينتظرون الند بالند

يعنى مثلا كان عندى اخت فاضله ادخل اجدها وضعت لى 40 رد والمفروض ان يكون هناك تساوى مساهمات

بالله عليكم يكون ايه الحل غير كوبى وبست

لكن الذى اجده ممتع ما تبقى معى من اصدقاء حقيقين قليلين نتابع منتديات بعض

ولا يجوب بخاطرنا موضوع من دخل ومن وضع