:: شرح ازاى جوجل بيعرف الضغطات الغير شرعية ::
1 - Ip Address : يتم معرفة الاى بى الخاص بكل من يضغط على اعلانات جوجل ادسنس
وبالتالى معرفة اذا تم تكرار ضغطات اخرى على الاعلانات ولا لا .
2 - المكان : طبعا مع تحديد الاى بى الخاص باللى ضغط على الاعلان بسهولة هيتم تحديد
مكان اللى ضغط على الاعلان ويقع فى اى بلد وبالتالى سعر نقرة مرتفع للاجانب ومنخفض
3 - نسبة النقر الى الظهور فى الصفحات : طبعا نسبة النقر الى الظهور فى الصفحات
ممكن
تكون مرتفعة وتوصل طبعا ل 50 % لكن عن تجربة يفضل ان تكون نسبة النقر الى
الظهور اقل من 10 % حتى تبعد الاعين عنك لانه كل ما النسبة تزيد كل ما جوجل
هتبدا تشك
ان موقعك عبارة عن اعلانات فقط وبدون محتوى فالزائر مش لاقى اى محتوى فقط اعلانات
وبالتالى هيضغط عليها فافضل حاجة تكون النسبة تحت 10 % لكن لا مانع ان تكون
50 % لكن بشرط ان يكون بطريقة شرعية 100% .
4 - الكوكيز : مجرد الضغط على الاعلانات يتم تثبيت كوكيز فى جهازك خاص بجوجل ومن
خلاله يتم تحديد ومعرفة جهازك حتى لو قمت بعمل ريستارت للراوتر وتغير الاى بى الخاص بك
فالكوكيز هيكون لسه موجود فى جهازك .
5 - جوجل هتشوف لو موقعك فعلا له مكانة فى محرك البحث يعنى هتشوف فى زوار فعلا
لموقعك ولا لا .!!
وهل الزوار دول من محركات البحث ام من برامج تبادل الزيارات او الفتحات الاجبارية كل
هذا يتم تحديده من جوجل .
6 - مدى استفادة المعلن من الضغطة على الاعلان : يتم معرفة اذا تمت الاستفادة من الضغطة ام
لا يعنى لو ضغطة تمت على الاعلان ولكن اللى ضغط قفل الموقع بسرعة طبعا دى تعتبر
ضغطة غير شرعية وتقيم حسابك بالسالب لازم اللى يضغط على الاعلان يكون ضغط لانه
فعلا حس انه هيستفاد من الموقع اللى ضغط عليه مش مجرد غلطة ماوس
يعنى يتم حساب فترة بقاء اللى ضغط على الاعلان فى موقع المعلن .
7 - يتم مراقبة تصميم الصفحة الخاصة بك لمعرفة كيف تاتى بالضغطات يعنى الاعلانات مواضعها
فين وهى مخالفة لسياسات ادسنس ولا لا .
8 - كل الخدمات الاخرى اللى جوجل
بتقدمها زى جوجل ايرث ومحرك البحث جوجل
طبعا جوجل بتستفيد منها وبتقدر تعرف اكبر كم من المعلومات عنك من خلال
استخدامك لهذه المنتجات .
من راى هذه اهم النقاط التى تاخذها جوجل فى الحسبان عند الكشف عن الضغطات المخالفة
وعن نفسى انا لا احب المخاطرة بحساب تعبت فى عمله وعلى ما تفعل و من اجل ضغطة
او اثنان وكمان هيكونوا ضغطات حرام ومالها حرام لانها تعتبر نصب
اغلق الحساب وما اسهل غلق الحسابات فى ادسنس
فاللى حابب ياخد بنصيحتى طبعا يشرفنى
واللى مصمم على التجربة و محاولة العبث مع جوجل
سينتهى به المطاف هنا
ركن مشاكل وحلول واستفسارات نادي Google
تحت عنوان حسابى اتقفل اعمل ايه !!!!
واللى يحب يعمل ريستارت للراوتر او يمسح الكوكيز او يخلى صديقه يضغط ليه
يجرب ,,, بس انا نصحت
::ملاحظة ::
فى حالة الشك فى وجود اى ضغطات غير شرعية او غير معتادة قم بارسال رسالة الى دعم
جوجل