قصيدة امتى التغيير كلمات الشاعر احمد عبد التواب
.......* امتى التغيير *......
احكى يا صاحبى دا كتير حكالى
مشكلتك والله تسهر ليالى
ولا اسكت دا الصمت غالى
انا اقولك اية عنيك موريالى
الكلمات اللى عاوز تقولهالى
ان البطالة عمت ومحدش قالها تعالى
وكتير من الشغل خالى
بمأهل متوسط او حتى عالى
يا ناس مالكم ومالى
سيبونى اعيش ف حالى
دا انا كل اللى ف بالى
انى اعيش مسطور انا وعيالى
.
فيه اللى زى العديد
بسرعه ساب الصعيد
عشان يكون ف القاهرة سعيد
لكن لقيها اكثر تعقيد
فبكل تأكيد
قال السفر برة الحل الوحيد
وكل شوية القصة ف نفسها بتعيد
وأسل عمر وطه وعماد ووليد
.
وبقى من المستحيلات
بنت من البنات
تركن على جنب الشهدات
وتتجوز حد يعيشها ف تبات ونبات
دا زيب واحدة م الفتيات
اتجوزت صاحب وظيفة ف وقت م الاوقات
لكن جالو مرض نادر م الامراض
فكان لازم تنزل تدور على شغل ف كل الشركات
.
واللى عندو اخوات صغار
خايف عليهم م المرار
على كل ورشة دار ودار
وكل مصنع كمان زار
البطالة غرقتنا ف البحار
خلتنا نطل ونقول احرار
امته العيش والحرية
والامن والعدالة الاجتماعية
امتى التغيير
اللى استشهد عشانه كتير
امتى التغيير اللى قالو عنو الثوار
............