القطط بتشوف ازاى
القطط مثلها مثل الانسان وترى الاجسام ثلاثية الابعاد
وتستطيع تمييز الأشكال عن بعضها وقياس احجامها والمسافات بينها
وبإمكانها ايضاً التمييز بين الخطوط العاموديه و الافقيه والاشكال الهندسيه
ولكنها تتحكم بقوة بصرها
القطط كائن ليلى
فترى قوة فى المكان الذى يكون شبه مظلم وليس ظلام دامس
الناس بتعتقد انها بترى فى الظلام الدامس لأطبعا ليه عينيها خارقه
لازم يكون فى نور خافت (نور خفيف)بيكون نظرها ثاقب
وبتشوف بوضوح تام
وده ليه؟سؤال وجيه برضوا
لأن لدى القطط طبقه عاكسه تحت الشبكيه بتقوم بوظيفه المرآه
بتعكس الضوء وده اللى بيخلى عين القطط تضيىءفى الظلام لما يتم تسليط الضوء عليها
لكن اللى ميعرفهوش البعض ان القطط عندها قصر نظر
يعنى مش بتشوف الأشياء البعيده بوضوح
لكن تشوف الأشياء القريبه بمنتهى الدقه
لكن الناس المجانين اللى تقولك القطط بتشوف العفاريت والأشباح
الكلام ده مالوش اساس من الصحه
القطط ربنا خالقها لترى الحركه
بتبقى منتبه على طول وبتشوف ابسط الحركات اللى بتحصل من حوليها
وده سبب حركه راسها الدائمه
ساعات بنلاقى القطه مركزة على مكان فاضى ده بالنسبه لينا
لكن القطط ترى اللى الأنسان ميقدرش يشوفه من حركات للأجسام الصغيرة وبتكون دقيقه جدا
النسبه للألوان ايضاً فيه اعتقاد خاطئ ان القطط ترى بالأبيض و الاسود فقط
في الحقيقه هي ترى الألوان
ولكن فيه بعض الاختلافات عن اللي نشوفه احنا
القطط تشوف اللون الأزرق و البنفسجي بشكل جيد
و تشوف اللونين الأخضر و الأصفر بشكل ضعيف نوعا ماً
لكن الألوان الأحمر و البرتقالي و البني خارج نطاق بصرها فتشوفها (رمادي فاتح)